اصحاب للابد

تحيات محمد اليكس
 
الرئيسيةالتسجيلدخولالاذعات المصريهراديو روتاناجيمزرالقرأن الكريم

شاطر | 
 

 القلب السعيد ....... و القلب المجروح

اذهب الى الأسفل 
كاتب الموضوعرسالة
روشة

avatar

عدد المساهمات : 215
تاريخ التسجيل : 12/04/2010

مُساهمةموضوع: القلب السعيد ....... و القلب المجروح   الخميس أبريل 15, 2010 1:39 pm

القلب السعيد :
مالك دايماً حزين مجروح ليه ؟
القلب المجروح :
حبيت واخلصت وضحيت وإتغدر بيا

القلب السعيد :
إختيارك كان غلط ؟
القلب المجروح :
مفكرتش أختار الصح بس فكرت اعيش قصة حب وبس فكرت انى
هكون سعيد بالحب وبإخلاصى للحبيب

القلب السعيد :
طبعا غلط إنك ترمى نفسك للحب من غير ما تفكر صح إن كان
الحب ده مناسب ليك و لا لأ
القلب المجروح :
إزاى إنت بتحب وسعيد فى نفس الوقت ؟

القلب السعيد :
لإنى فكرت صح فكرت بجد قبل ما أضحى بحبى وبقلبى لإنهم
أغلى من اى حد وأغلى ما أملك
القلب المجروح :
مش فاهم تقصد إيه إزاى فكرت والقلب عمره ما بيفكر غير
بالمشاعر وبس

القلب السعيد :
أنا بحب بس العقل بيفكر وده الصح العقل يفكر إن الحب ده ينفع
وصح ولا لأ عشان كدة كدة أنا سعيد ومبسوط
القلب المجروح :
بس أنا مش عارف أشارك العقل معايا فى الحب كل ما أفكر
مشاعرى تغلبنى وتخلى الحب قدامى وكانه جنه
القلب السعيد :
الحب فعلاً جنة بس لو شاركت العقل معاك

القلب المجروح :
حاسس إن مشاعرى بقت رخيصة وأنا إللى عملت كدة فى
مشاعرى وحبى
القلب السعيد :
إنت لسة فى البداية وما خسرتش حاجة إعتبرها تجربة وفشلت
وفكر فى مشاعرك إنها مهما حصل مش هتكون رخيصة مهما
حصل بس فهمنى ليه حاسس بالإحساس ده ؟

القلب المجروح :
مش هقول اكتر من إنى حبيت وضحيت بس مش لا قيت مقابل
الحب غير إهانة للمشاعر
القلب السعيد :
هقولك جملة بسيطة وإتعامل بيها << اللى يحبك صعب يدمع
عنيك واللى يعشقك صعب يبكى عنيك لنهاية العمر >> فكر فى
كدة كويس

القلب المجروح :
عندك حق لازم أفكر كدة بجد وهطبق المقولة اللى بتقول << لن
جعل مشاعرى أرضاً يداس عليها بس سأجعلها سماءاً الكل
يتمنى الوصول إليها بس مشكلتى إنى حتى لو إنجرحت مليون
مرة فانا بحب الحب وعمرى ما كنت قاسى بالعكس أنا حنين جداً
لدرجة إنهم ممكن يقولوا إن مشاعرى رخيصة ما فكروش إنها
تضحية فى سبيل الحب

القلب السعيد :
حب الحب حتى لو كنت إتجرحت لإن صعب تعيش من غير حب بس
فكر صح وشارك العقل إن كانت التضحية بمشاعرك فى محلها
ولا لأ
القلب المجروح :
صح فعلاً ما ينفعش اعيش الحب من غير ما أشارك العقل ولا
أضحى بمشاعرى وقبل ما أفكر فى الحب زم أشارك العقل قبلها
مليون مرة

القلب السعيد :
نصيحة منى ليك أوعى تزعل فى يوم على حب إنتهى أكيد فى
يوم الحب ده كان أجمل حب ليك وعيش معاه أجمل لحظات العمر
وأوعى تزعل إنك ضحيت ده نصيب وأوعى تفكر كتير فى إللى
حصل فكر فى حياتك إللى جاية وإزاى هتعيشها وإزاى تضحى
لقلب يستحق الضحية
القلب المجروح :
فعلاً كدة صح ومش هضحى غير للى يستحق التضحية وهفكر
مليون مرة قبل ما أجرح نفسى وأهين مشاعرى

القلب السعيد : إنسى أى هموم خلاص وفكر فى حياتك ومستقبلك وربنا
هيعوضك كل خير ما تنساش إن قدر الله وما شاء فعل والحمد لله
على كل اللى ربنا بيكتبه لينا خير يارب
القلب المجروح :
الحمد لله إنى لسة على البر فى اول الطريق وفعلاً ما خسرتش
كتير بس إتعلمت كتير

القلب السعيد :
ربنا يوفقك ويبعد عنك كل شر وعن كل قلب مجروح حب بإخلاص
ما فكرش قبل ما يرمى مشاعره وإحساسه فى طريق ما يعرفش
نهايته إيه طريق ضلمة وغلط
القلب المجروح :
آمين يارب نجينا من جرح القلوب وإهانه المشاعر

القلب السعيد :
أنا فرحان بيك لإنك خلاص مش حزين
القلب المجروح :
البركة فى الله وفيك


[b]
الرجوع الى أعلى الصفحة اذهب الى الأسفل
 
القلب السعيد ....... و القلب المجروح
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اصحاب للابد :: القسم العام-
انتقل الى: